2012-10-3 評《一路向西》第二部份：商品導向分析 -----商品導向，《一》片大有商榷空間 (以下由行家朋友提供意見下寫出) 當初《3D肉x團》香港票房大勝，消氏父子話開拍《3D急涷x》和《3D紫荊x》，行內人話攞嚟搞。到開拍葉念深的《天生愛情狂》同高登小說《一路向西》，顯示幕後人無料到了：《3D肉x團》翻怕，《3D急涷x》又翻怕，無胆開新片種。《天生愛情狂》是小本小品，外判咁款，葉念深係編劇底，估計亦不容消氏插手創作。所謂編劇王，只能靠綽頭，高登小說《東莞的森林》是一記綽頭。 好笑的是，消家班在這綽頭上花大心思創作(續作)，無話唔好聽，當隻雞係老婆了(片中真係當小思係愛人)-----前面分析過，以作品論作品，撇開戲種不論，《一路向西》改編得不錯。但從商品導向，即賺錢導向，《一》片大有商榷空間： (1)

----高成本片賣座也會輸

●綽頭點好，套片始終係一部「冇大陸市場的三級片」，消氏父子貪勝不知輸，唔信邪，想用三級片再炒起本地片市場(但人地《低俗喜劇》用十二天就拍起，慳本)，假如《一》片成本七百萬(製作費5百萬，宣傳及公司開支共2百萬)，假如本地收1000萬，就打和。假如票房睇1500萬，又到嘅話，加賣埠3-5百萬(因無卡士及三級)，就賺200-250萬到，此係獨立製片鋪鋪清做法。

●朋友話，「中國數碼」點會甘心玩咁細嘅片，尤其是《3D肉x團》收４千萬，食髓知味，唔信三級片(就算係3D)市場有其先天局限性。然而，殘酷的現實是，三級片市場就係咁細。打個比喻，街邊雞疍仔花生檔做得點好，都唔會發達者，何況重本經營？

●目前，《一路向西》票房有望2千萬，這在獨立製片鋪鋪清公司來說，成績好到不得了。但穌虾仔都睇到《一》片不是5百萬級片(因為3D)，片主號稱製作費一千萬。朋友估計7百萬至一千萬。宣傳費約2百萬，公司開支約400萬-----因為一年半只拍了兩片，估計其他公司開支要打入呢條數。

●朋友話，假如咁計，《一》片就孭1300-1600萬成本。片主迫住要睇2500-3000萬票房，假如本地到呢個數(賣座)則會帶起賣埠價添。但就算收3000萬，回收約1至1.2千萬到；如收2500萬，回收約870萬至900萬；加埋外埠，勉強補到1500萬成本。假如本港收2000萬，都會笑住蝕，除非成本唔係咁計----這要等2013年7月年報出嚟，才睇得到。

●從成本size的導向，迫住片主拍「大片」，迫住企望綽頭(高登小說、3D)能谷大三級片的慣有市場，但咁會唔會本末倒置呢？

(2)

----去到盡要拍獵奇性喜劇

●By傳統智慧，「高登小說」係綽頭，而小說本身唔係，而係累贅。電影好少改編小說得到成功的。紅樓夢夠多人睇啦！又唔見你去改編？因為好難化為電影。金庸小說夠多人睇啦，有邊部大賣座的？(《色戎》係睇梁朝偉條J)

「北上尋歡」題材係綽頭(趣味性)，但咁樣處理----寫實片、又三級、又文藝片tone，太本地----假如要睇2500-3000萬票房，則嫌去得不夠盡。《一》片中的「北上尋歡」描直簡直係行貨，膚淺程度，刁民牛之流會笑到碌地。《一》片編導大概不知中港「溝女」(另類叫雞，如QQ交友)的光怪陸離法。《一》片被《東莞的森林》小說誤導了，叫刁民牛做編劇好過。就以呢個層面而言，片主也忽略了獵奇呢個考慮，剩係識剝衫，以及僅"介紹一個雞竇"。如要練盡，《一》片最後一場其實係intro而已。(我知，好難係內地取景，咁不如唔好拍)，

●假如睇2500-3000萬票房，就要去到盡。戲種除了三級(AV)+ 獵奇(叫雞)元素外，故事戲種一定要癲。比如講，要拍「性喜劇」。《一》片抄《Amercan Pie》己經有Ｄ譜，但唔夠顛。係人都會將性笑點扣落去獵奇(叫鷄)主戲上，而唔係叫個超齡主角扮香蕉搞笑(太九十年代了)，寫實喜劇好難拍(什麼"背影"係得意，唔係好笑)。

年青時看過蘭度布山加等等的戲(如做愛一千次後就性無能)，於今尤記得，香港式喜劇，一定要癲。隨便講一個，將急凍俠(或某韓劇的王子)掟落去東莞雞竇撞戲(再加性素材如到處找J)，都好睇過而家的什麼主角叫雞心路歷程。但睇返，消家班《3D肉x團》只係30分的級數，《一》片已有進步，你不能企求一如《低俗喜劇》(85分)的程度了。

(3)

avogadro

>>引用:
原帖由 avogadro 於 2012-9-29 11:51 PM 發表
估此片兩週千四萬到, 埋單一定不過千八萬; 今年單計中文片, 低俗排頭掂到3,000, 雖然未有邊部大收 (三四千萬打上) 但 唔過二千萬都入唔到頭五大引用:
原帖由 william.c 於 2012-9-30 12:39 AM 發表


未必。第二周雖縮線(100塲到)但票房硬淨---六七十萬到，今天八十萬，跟住係黃金假期。之咁，香港收2千5都係死(唔夠填本)，但號稱過二千好重要，可維持後續集資能力。 <<

這裡有正確數字, 15日才過 1,400

http://media.netvigator.com/media/bse/media/home/MVE/MVE_BOX.jsp

仲有filmart的數, 18日收1,538萬

公平講1,800萬仍有機會

http://hkfilmart.com/weeklyboxoffice.asp?lang=cn

[ 本帖最後由 avogadro 於 2012-10-10 09:14 PM 編輯 ]

係，avogadro預測奇準。
我前貼(#585)因不能確實數字，故銷貼。

avogadro

>>引用:
原帖由 william.c 於 2012-10-10 09:19 PM 發表
係，avogadro預測奇準。
我前貼(#585)因不能確實數字，故銷貼。 <<

你有長期看票房數字, 會比小弟更準

wmoov的所謂每日數字, 全部0字或5字尾, 為什麼?