借花敬佛，籍亨利塔這篇Pattern，再發下牙痕。2024-04-09
=================================
(轉貼)

巴別突擊塔第326集20240324文字完全版
塔哥生活雜誌：《周處除三害》甩哂現今港產片嘅缺點2024-03-25

•雖然之前響白兵直播講過少少，都想響度再詳細講一講《周處除三害》。即係如果佢係香港電影，我會覺得簡直係幾年以黎嘅最佳香港電影，可惜雖然導演係黃精甫係香港人，成套戲都係響台灣拍完──但或者正因係咁，《周處除三害》先會比起香港電影相對上更加完整，少咗果種粗製濫造嘅感覺

•至於有人話呢套戲響中國大陸大受歡迎，其實票房都只不過係六億幾，同重拍《百Yen之戀》嘅《熱辣滾燙》四十億票房當然係無得比。佢真正造成震憾嘅，應該係以佢嘅暴力尺度竟然可以響無電影分級嘅大陸戲院上映，同埋只用千五萬港紙成本，可以換黎《明日戰記》級數嘅票房──當然一套咁好嘅電影，點解當日響香港同台灣表現都咁差？我諗蕭定一個講法幾好，就係因為個戲名改得完全唔吸引，無人知佢講乜而無意欲入場

•另一樣《周處除三害》比起而家呢一代港產片最大嘅差異，就係識得「簡單就是美」呢個美學觀。基本上而家呢代嘅導演就係覺得「抵食夾大件」先叫做好，不停響電影入面猛塞劇情、對白就叫「充實」，完全係錯尻哂。《周處除三害》係由三幕短故事組成，先係佢殺人同自首，再黎係去殺香港仔，最後則係加入邪教，每一幕其實都有足夠嘅空間比觀眾嘴嚼細味；甚至乎對白都係除咗香港仔果一幕稍微講多咗之外，其他部份都係相對精鍊，唔會好似而家啲港產片咁，刻意將啲金句埋響電影入面迫人記入腦然後幫佢宣傳。當然我唔係話所有電影都一定要用呢種手法先叫做好，例如《魔盜王》就係用劇情塞爆而獲得成功嘅典範，但港產片而家就係唔撚Work

塔哥生活雜誌：《周處除三害》：邪教教徒就係牙石粉，替天行道係唯一選擇

•相比起劇情無急就章，電影入面帶黎嘅寓意卻係多姿多采：除咗典型嘅正邪對決，既有探討生死嘅意義，亦有講對各種欲望執迷同放下，甚至乎周處除「三害」嘅害其實都唔係阮經天自己，而係佢對歷史留名嘅執著──而最正嘅係，無窮嘅意味都係從有限嘅劇情帶出黎，唔係用對白，而係靠觀眾意會

•當然最撚正嘅都仲係邪教篇，明明阮經天經已將邪教嘅證據列舉哂比班教徒睇，班蠢撚都仲要繼續唱歌崇拜佢地嘅教主，去到呢刻真係除咗隊冧呢班冚家剷，經已搵唔倒第二條出路，所以我睇呢幕嘅時候，就係諗緊細柒同BOWA嬸同班牙石粉比人逐個隊冧，然後再用卡彈黎比個機會呢班教徒「醒覺」，拒絕醒覺嘅就殺，真係爽到仆街，單單係呢幕都值回票價。

•最後，好多人話《周處除三害》比佢地回憶番當年港產片嘅暴力美學，但只係去到香港仔篇為止，之後邪教篇完全係當年我睇《大佛普拉斯》嘅感覺，而只有台灣電影先拍得出呢種「脫俗」嘅宗教感。不過去到最尾直到執行死刑為止，果種拖棚歹戲嘅感覺又令我諗番起而家港產片死唔斷氣嘅處理手法，亦可以話係全片唯一敗筆──所以與其話係舊式港產片回歸，倒不如話係唔同風格、有好有壞嘅大雜燴

•BTW，一套用咗千五萬港紙Budget拍嘅中檔片，經歷失敗嘅Marketing導致一如所料嘅票房慘敗，再透過大陸上映同Netflix上架黎個大翻身，令包括我在內嘅好多人察覺原來Miss咗一套咁好嘅電影。成個過程本身就係一個相當值得研究嘅課題

===========================

備注﹕這裏對影片的討論，純是個人觀感。
看片自認挑剔，並無眨低影片在其他觀眾眼中的地位的意思。
此外，是想從中印證一下本人所輯列的編劇理論，
有錯誤或不足之處，歡迎朋友指正。
-----------------------------------------------------------
[size=1.25]觀看《周處除三害》全片
-----------------------------------------------------------
評析享利塔的「《周處除三害》=最佳香港電影」
人物不行

又談享利的Pateron，想指出，影片係有不少隹句、係夠火力。但以全片論，行內人會看出技術上的暇疵。至於這些暇疵是否減低一些觀眾在鑑賞上的評價，是另一種衡量器、各隨尊便。
我一直批評港片製作的低落，一直用技術面來印証這個現像。於《周處除三害》，前面是從個人口味出發批評作者的價值觀以及缺乏同理心這方面，下面則試列技術面上拍得不夠好看的地方。我對享利說的「《周處除三害》甩哂現今港產片嘅缺點」﹔以及「簡直係幾年以黎嘅最佳香港電影」，最為感冒。

●大犖者，是影片的錯對問題(不是人物角色的錯對) ，不ok。題材是有趣的(商業)，但人物不行。

---《江湖》和《復仇者之死》雖然甚多缺點，但人物的互動描寫都好過《周》片。《周》片似乎有心playing cool & playing down，似乎想行art fim mood個一套。但人物以及內容無深度(可參考夏墇坷的影片)，就顕得平調。

(1)

評析享利塔的「《周處除三害》=最佳香港電影」
人物﹕ 很少與人交流

---桂林仔很少與人交流，除了和程小美，但台灣味太重。
---邪教會一段比較特出，有構思，有佈局，桂林仔和教主(林祿和)有交流了，談過幾㳄話，但是是假的(教主是騙子)，這是港片韓劇慣用的「後述為真」的手法。而《周》片用得很粗糙，自已絕症原來是女醫生絕症，也是這一套。亨利還說《周》片甩晒現今港產片嘅缺點。
---playing tricky不是不可以，但編織得好一些才是。寫play教主(林祿和)，連觀眾都呃埋，可以的，但前面要set一些hints，讓教主這個人物有點古怪(桂南仔始終不知)，咁後來的turning point才有力。
---唔好好似而家桂林仔輕易偷聽到秘密(診所)、無端端可以被埋又不會死，又無端端在地板下發現地下通道‧然後發現一切，密---這一段相拍得很詳細，但不是這樣handle，邏輯上有粵語殘片feel，但限於製作資源，不忍深責--- 這是「行街踢到一嚿金」的橋，是華語片的陋習也。
---邪教騙錢財的細節都很有心思，但不需要由主角親自找到剩下的the錢財及手錶的，以及看到一切(另一個騙局現埸)，粵語殘片feel。影片用全知視角拍出真相---教主與情人、錢財被假燒(流程)等等---讓觀眾知道就夠。
---主角發現他就是通緝犯是turning point，谷主角產生憤怒可以有多point---譬如發現奶奶的手錶被棄置於骯髒的豬欄中--主角被活埋，設計得好(危機)，但解得好屎( 點解又會醒番，輕易逃出？)，又係粵語殘片mind-set，兒戲。

(2)

評析享利塔的「《周處除三害》=最佳香港電影」
人物﹕ 教主、蕭湘湘

---可以有多樣手法去play教主是騙子的hints，可從蕭湘湘(教主情人)入手。Btw，兩個通緝犯都玩女人，反映劇本不夠想像力。師傅教落，重複就是淺薄。
---玩杰Ｄ，應該係﹕鏡頭拉開，教主老醜的身軀和一個精壯赤裸男身(門徒)，床上糾纏，咁畫面先至夠震撼。現在和瀟湘湘的一段，設計上相當平庸，不忠不邪，唔三唔四。
---蕭湘湘懷了孩子這一點亦很無謂，作者似乎完全唔識play「背後故事」的作用，same as程小美海邊吐心聲一段，似與《臨時劫案》導演想玩人物立體一樣，但有㡳無面。蕭湘湘懷了孩子，想講乜？多了一個informtion，lead to where？這一段應該搞臭教主與蕭湘湘二人，懷了孩子則是美化了，觀眾對角色就會產生混亂感。這是舊派劇情片的寫法，唔識先墊。

(3)

oscar_manutd

榮譽會員

路過搭嗲一下，呢套戲反而由大陸紅返去台灣，我睇咗唔少網友評論，有兩個佢喺台灣票房仆直嘅原因：

1）上畫時宣傳電影係香港導演拍嘅，反而令天然獨一代卻步，而家台灣潮流係踩香港。

2）阮經天十幾年前喺金馬獎早退，得罪晒成個台灣電影圈，因此缺乏影評人吹捧。

多謝oscar捧場，他是近年來熟識台灣社會(相對上)的港仔(我沒去台灣多年了) 。
亨利學問豐富，涉獵甚廣，見解不拘一格，多年來就深度地評論電影。
本人以行內人野路子式探討港產片生態多年，比較熟識港片缺點。亨利就《周處除三害》一片說「甩哂現今港產片嘅缺點」，似乎過份說滿了。黃君片部部清，老細沒有第二注，就知道係乜嘢事。

香港導演在台灣的表現，是一大題目，我無條件置喙，但說到《周處除三害》=近幾年最佳香港電影，先有點錯置論述、而，起碼在技藝上(尤其是創作上)未到這個地步。就套片抄襲富二代的《復仇者之死》尾段，就不應下此論斷。

oscar說的是市場情況，以及(中台)社會反應的一面，牽涉到意識形態，很有趣，也更複雜，這里無暇談論了。
香港影評界唔熟悉台灣片，更加唔熟悉統獨呢家嘢。而，台灣有多位大大大黃絲KOL在，似乎不見評論這方面，獨讀聽過老Shiu評論此片，十年如一日，當套影片是飛機杯，無語。

台灣收幾千萬，原來叫仆直。我直覺上都覺得《艋舺》比它好看得多。  ✓
我個人比較喜歡阮經天，但我女兒(90後)就因為此君而不入場，怪。
香港乜片都唔會賣座嘅啦！一部影片收4百幾萬就當4千萬來談論，導演仲出編劇教學youtube添。
港片盛世時，影片頭一周收4百萬，叫仆街。而家部部片都上映四五個禮拜，影片迭過一二千萬(有人懷疑是篤數) ，蝕死院方及發行方。

台灣收幾千萬，原來叫仆直。我直覺上都覺得《艋舺》比它好看得多。  ✓
我個人比較喜歡阮經天，但我女兒(90後)就因為此君而不入場，怪。
香港乜片都唔會賣座嘅啦！一部影片收4百幾萬就當4千萬來談論，導演仲出編劇教學youtube添。
港片盛世時，影片頭一周收4百萬，叫仆街。而家部部片都上映四五個禮拜，影片迭過一二千萬(有人懷疑是篤數) ，蝕死院方及發行方。