2010-8-30
今次人網在政治上急轉彎，一切賴老共迫害，以政就商，分拆網台兼往錢看，連財務公司都開起來。更大手筆的是用二千多萬元(號稱500萬美金)開拍《3D肉x團》，據說引起轟動，外國媒體爭相報導。今天信報紀曉風更有「從《3D肉蒲團》透視香港創意產業非常道」一文專論。

年前初聽聞老Siu開拍此片，以為他講講下，因為他一向以吹水為樂，以為他用開拍三級片消息enrich人網版面。但現今是嚟真的，且得到莫大回響，首先恭喜他。但返轉頭用「內行」規律審視這個case，看Siu能不能製造(叫好叫座)奇迹。

(1)

原刊：
香港討論區

違犯太多常規及常理

●此前，有舊行家們莫不以為老Siu於電影製作是「外行」的，是玩坭沙的----不要先入為主，以為做過呢一行就叫做「內行人」。大哥，做過呢一行叫做「行內人」，不一定在行或內行的，我就批評過S公司老板娘某小姐「外行」。

同時講專才專用，比如，做劃積的不要以為一定識做地產發展商，識編劇的不要以為一定識做製作人(producer)，而監製(excutive-producer)跟製作人又不同，跟投資人又不同，做投資人，有錢就得。監製有多種，大公司掛名式監製卻不是一脚踢獨立製片的監製，不一定識做或適宜做(獨立製片)製作人也。

老Siu以任性聞名，任性即浪漫的代名詞，臨老激進亦是一例。說他外行，因為假如重鎚，3D三級片無着數也(但佢又唔似係王家衛，創作先行)。說他外行，因為他是度嘢佬，不是拍嘢佬，喂，度嘢可以天下無敵，拍嘢唔得架。更何況是特技方面(3D) ，喂，有錢都識拍至得，起碼，識揾人去拍至得。

●近日見老Siu興高采烈，將《3D肉x團》當成寶貝兒子般，將《3D肉x團》的報導講成史無前例。問心講，真希望老Siu揾到。但《3D肉x團》在製作wise上違犯太多常規及常理，忍不住說一說。又或者，老Siu天資聰敏英明神武魄力過人，可打破這些常規常理，顛覆港片的製作規律，諦造佳績。(但訪問中，佢又話至多蝕一千萬，吹佢唔漲)

(2)

市場計算(A)---正路市場計算

《3D肉x團》違犯港片製作常規及常理如下：

●港片製作，第一天條，是市場計算，不先考慮這一點，是玩坭沙。而老Siu有錢玩，是另一回事，(但信報紀曉風一文就突出Siu的市場計算，吹佢唔漲)

(小弟九十年代單槍匹馬拉過老闆拍過兩部三級劇情片，由賣花到補鑊導演到配音到上畫一脚踢，有點體驗)。

●照公開的消息看，《3D肉x團》根本無(正路的)市場計算，或者Siu是顛覆正路亦講唔定。

●即係咁，傳統港產片(市場)其實已不存在。惡性循環下，本地票房由最高的12億(1992)跌至現今二億多。影片成本被迫縮水，水準及品牌儘失，導致海外無埠(除非大片)。由此，港產片已轉形為中港合拍片(融合片)，小弟十多年前有書foresee港產片淪亡，稱年產低於50部，港產片工業(industry)就算是滅亡(尤如台片)。去年為51部，達致邊緣。但深入看，shooting insdustry不會死，另話。

●香港電影人得依附大陸電影工業，三代之後，無人會入香港電影行(看看《肉》片導演平時兼職玩網台就知道)。但會入"大陸-香港電影"行。
-
(3)

市場計算(B)---脫離市場規律的綽頭產業(片)

●現今港產片是大陸主導的工業(以收入計)，以大陸市塲為主。紀曉風讚謂《3D肉蒲團》是本港創意產業鉅作，其一應改為綽頭產業，其二應改為脫離市場規律的綽頭產業(片)。因為現今港片是反創意的，返大陸拍倒流片。而三級片則是這個倒流產業中的一記過氣綽頭，此外，３D則是五十多年前發明的，既非創意亦非新綽頭。但平情而論，３D+三級片是一個綽頭， work 唔 work，要睇結果。

●講返市揚，大陸肯定不會買入《3D肉x團》，你話老Siu夠膽又得，話佢唔專業無市場sense又得。老Siu企圖倚靠香港+海外市場賺錢，但乜嘢海外市場呢？

●現今海外三級片市場(指東南亞台韓)，我唔熟，唔敢講，但聽人講，多年來無呢個市場(根本無主流港產三級片出產)，以前的三級在外埠也是經過删改才能上映。我知，老Siu有3D這個皇牌，可能博歐美(市場)，亦唔敢講住，要睇過片至得。(Siu話賣出韓國埠，聽住先)

●But by common sense，老外未必中意睇東方女仔剝衫，一如我們的靚仔不中意洋妞AV片一樣。難道老外會fancy香港的3d技術？以為《3D肉x團》會做出《阿凡達》旳３D效果？

(4)

市場計算(C)---製造一個以唱Ｋ形式去飲的現像

●以片種論片種，全世界來說，三級片是非主流片---不適合所有觀眾，其市場不在電影院中，是以AV片流行於其他媒體。就算是戲院放映，也是分眾片，非大眾片。比如，老Siu倚靠的是自由行旅客，有point，但自由行旅客很多是拖男帶女的，不能同好。

●咁樣比喻吧，以前香港人平時睇唐片等於每天吃飯，大節睇大片等於去飲(全部家庭成員出動), 睇三級片則等於有時去唱Ｋ(分眾及應時) 。現今西片將唐片打瓜哂，冇乜人食飯(比喻)，亦唔流行唱Ｋ(無三級脫片，可以看ＡＶ)。Siu企圖用3D因素製造一個「進院潮」，企圖製造一個以唱Ｋ形式去飲的現像(非賀歲片，破二千萬以上)，實是一個考驗。

●進入二千年，電影肯定得倚靠電影院以外的多媒體收入，3D反而block咗呢方面收入。大哥，世界上有多少部「阿凡達」呢？《3D肉x團》就博人地一定入戲院至有得睇，信心爆棚到冧。

(5)

七系寶馬
二星級會員

樓主無係淫網出post！

以前係prhk年代，你都好似已經串過蕭才子作大！

又話阿mark係佢老頂.........唔係佢條靚！

我沒有說過，Siu說阿麥是他的靚。

之咁，是阿麥當年收納了Siu---做謀士，非做靚仔，但俗稱也算是靚---而非Siu收納了阿麥。時維1975年，我剛從電影界轉入RTV做編劇，目睹阿麥V.sＳiu收靚的過程。記得Siu當時說過一句令人佩服的話："我跟阿麥的原因，不為什麼，只為他的(創作)性格!"(大意)。(Siu是港大生，麥是中學仔)

Siu博學多才，但(創作)性格遠不及阿麥。但咁，做人性格阿麥不及Siu。

Siu臨老作大的作風，是另一瓣，很不好，淨係識同班靚仔信徒作大吹噓，好無謂。佢地不是影迷，知乜，有乜好威的。(關埋門講，冇人理你，公開講，作大，則不好)

Siu無將阿麥講成係佢個靚(這一點要公平些)，不過當阿麥無到，好似黃興成日話佢一人革命哂唔知孫文係邊個咁。我多次踢佢，佢先肯提下孫文(麥)。到開拍呢部戲，仲話會請阿麥做監製，仲抽人水，口氣上仲好似當阿麥係佢舊部下。

市塲計算(D)---三級(脫)片分幾種

●紀曉風「從《3D肉蒲團》透視香港創意產業非常道」一文，講影片回收呢一點，令人笑爆咀。紀曉風可能唔識電影行，可原諒。但siu父子的俾料及說明不無欺騙記者及讀者之嫌。電影行無事前知道「刀仔鋸大樹」這回事的，當香港電影人傻嘅，三級片邊個唔識拍？現在點解無一人敢開？全世界只得siu父子是聰明人？

●在電影行，白痴都知道三級片係一種綽頭片，三個要素：
(1)煞食女星肯脫；(不是脫星煞食，況且現在己無脫星)
(2)成本低；
(3)要趁勢快拍快上收錢，趕潮流。totally 跟風兼投機。

●以上是大路三級(脫)片情況，範例者是葉玉卿的《情不自禁》(收千三萬)。第二種是劇情片，滲個當紅脫星入去(小弟拍個兩部)。第三種是《玉蒲團之偷情寶鑑》這一種，真的是色情大片，以「性戲」取勝，以「橋」取勝，所以脫星只用葉子媚同周弘這種二線。阿麥是實力派兼實幹派，怕人笑佢跟風投機拍三級片，靠奶奶揾食，所以用足料拍《偷情寶鑑》。

●十八年後，Siu可能仍不知三級片的(製作)導向的分別，可能仍不知上述三種導向的分別，因為《3D肉x團》只看到一種導向---Siu主觀主導性。當然，3D也是一種主導性，但3D是包裝，是加強戲的手段。但成本貴，和市塲回收不相稱。

(注：香港無人叫"情色片"的，"情色"是台灣名詞，之咁，香港電影行亦無"色情片"的叫法。both"色情電影"和"情色電影"都是文學名詞。)

(6)

市塲計算(E)---刀仔鋸大樹乎？

●紀曉風是外行，跟人講「刀仔鋸大樹」。實情是，九十年代三級片成本多不高於350萬，香港收一千萬就算嬴！《偷情寶鑑》用二千萬拍，收千八萬就算輸！(Siu居然不知)，《偷情寶鑑》是喑瓦底，只賺個名聲(梁錦祥話鬼佬讚通巷，是一例)。

●之咁，你用一百萬成本(刀仔)，但票房仆街，一樣唔叫得做刀仔。反之，占士金馬倫用US$2.3億拍「阿凡達」，收27億，都係「刀仔鋸大樹」。《3D肉x團》假如埋單全球收一億元票房(不是不可能)，才叫「刀仔鋸大樹」，但不能而家閉門做樹(靠自由行咸濕旅客？)，徒惹人嘲笑。現今用二千萬成本拍三級片，絕對不是刀仔，而是神經刀！

●本人尊重Siu重拍《玉蒲團之偷情寶鑑》的舉動，只在商業計算上及後果上，指出《偷情寶鑑》的位置。

(7)

市塲計算(F)---票房收入唔等於影片收入

●再看紀曉風點詮釋"「刀仔鋸大樹」的港式機靈"----老Siu無提海外市場，即先博香港票房。紀曉風寫道：

「更 現 實 的 計 算 是 ， 3D 電 影 票 價 較 一 般 電 影 高 二 至 三 倍 ， 通 常 都 要 過 百 元 或 以 上 ； 簡 單 計 算 ， 如 要 賺 1000 萬 元 票 房 ， 每 張 戲 票 40 元 計 ， 需 要 觀 眾 人 次 達 二 十 五 萬 ， 但 3D 電 影 戲 票 100 元 計 ， 十 萬 人 次 入 場 已 達 標 。」

●紀曉風唔識，老Siu無理由唔識係馬，三歲小孩都知道，票房收入，唔等於影片淨收入(營業收入，非毛利)也。香港上畫，成本好重，宣傳費一般由50萬至80萬不等，大片仲唔止，加上拷具費(約一萬多元一套)。而票房是跟戲院和發行商拆帳的(唔係戲院靠乜交租)，一般由五五到六四拆帳，另加15%發行費，所以片主一般到手的回收是票房的30%-35%。「如要賺1000萬元票房」係「如要收1000萬元票房」之謂，片主扣除上畫成本，只能回收二百零萬到。

希望老Siu係氹紀曉風而唔係計錯數，《3D肉x團》成本假如是二千萬元，收一千萬則不只蝕一半也。總票房(假定全球上映)要收到七千萬到一億元才能回本(注意，僅指回本)，視乎各處上畫成本(宣傳費)。賣斷則不用計對方票房收入，但賣埠不會高價錢，因無卡士，只靠一個3D---一個唔覺意，3D反成阻礙，因為不能發行映碟。

(8)